കോട്ടയം: ഇടതുമുന്നണി സ്ഥാനാര്‍ഥി ജെയ്ക് സി. തോമസിന് പുതുപ്പള്ളി മണ്ഡലത്തില്‍ ഹാട്രിക് തോല്‍വി.
രണ്ടു തവണ ഉമ്മന്‍ ചാണ്ടിയോടു പരാജയപ്പെട്ട ജെയ്ക് മൂന്നാം തവണ ഉമ്മന്‍ചാണ്ടിയുടെ മകന്‍ ചാണ്ടി ഉമ്മനോടു മത്സരിച്ചാണ് പുതുപ്പള്ളിയുടെ ചരിത്രത്തിലെ ഏറ്റവും വലിയ പരാജയം ഏറ്റുവാങ്ങിയത്.
2016ൽ ഉമ്മന്‍ ചാണ്ടിയോടു മത്സരിച്ചപ്പോള്‍ 27,092 വോട്ടിനു പരാജയപ്പെട്ട ജെയ്ക് 2021ല്‍ രണ്ടാമത്തെ അങ്കത്തില്‍ ഉമ്മന്‍ ചാണ്ടിയുടെ ഭൂരിപക്ഷം 9,044 വോട്ടിലേക്കു ചുരുക്കിയിരുന്നു.
മൂന്നാം മത്സരത്തില്‍ റിക്കാര്‍ഡ് ഭൂരിപക്ഷത്തിനാണ് ജെയ്കിന് ചാണ്ടി ഉമ്മനോട് അടിയറവു പറയേണ്ടി വന്നത്.
